Hér er stór uppskrift frá Davíð Steinari sem hann deildi með okkur:
1 kg brauðhveiti
650 ml vatn
20 grömm salt
1/4 teskeið instant ger eða 1 teskeið ferskt ger
góð skvetta af góðri olíu
Blanda saman hveiti og vatni í skál og hræra saman. Breiða klút yfir og hvíla í 15-30 mínútur. Mjög mikilvægt skref.
Bæta við salti, geri og olíu. Hnoða þangað til deigið fer úr því að festast við allt þangað til deigið fer að festast mest við sjálft sig. Athuga að deigið á að vera blautt og nokkuð erfitt viðureignar.
Vigtið c.a. 220 gramma deig og hnoðið í kúlur og raðið á bökunarpönnu. Setjið plastfilmu vandlega yfir svo að þétti vel og látið hefast yfir nótt í ísskáp.