Einfalt pizzadeig

Uppskrift af einföldu og fljótlegu pizzadeigi sem fullkomnar pizzakvöldið! Þessi uppskrift er frekar stór skammtur en auðvelt er að frysta afgangs deigkúlurnar og grípa í þær hvenær sem þig langar í pizzu.

Deigið er 5 x 250 g deigkúlur (fyrir 12” Pizzur) eða 4 x 330 g deigkúlur (fyrir 16” pizzur).

Hráefni:

480 g volgt vatn
1 msk (15 g) þurrger
750 g brauðhveiti
1 msk salt
1 ½ msk ólífuolía

Aðferð:

Í lítilli skál, blandaðu 3 matskeiðar af hveiti út í vatnið. Þegar búið er að blanda því saman er gerinu hrært saman við þar til það hefur blandast vel saman. Leyfið blöndunni að blandast á heitum stað í um það bil 5 mínútur eða þangað til hún er orðin froðukennd.

Setjið helminginn af hveitinu sem eftir er í stóra skál. Bætið gerblöndunni út í og hrærið vel. Bætið við hveiti og salti og blandið þar til allt hefur blandast vel saman. Stráið smá hveiti yfir borðið og hnoðið deigið í 8 til 10 mínútur eða þar til það er teygjanlegt.

Smyrjið skálina með ólífuolíu og rúllið deigkúlunni varlega í kringum allar hliðarmeð olíu. Hyljið skálina með viskastykki eða plastfilmu og látið hefast á heitum stað í 20 til 30 mínútur eða þar til deigið er orðið tvöföld upprunaleg stærð.

Skiptið pizzadeiginu í 5 x 250 g eða 4 x 330 g deigkúlur. Mótaðu deigið í kringlóttar kúlur.

Penslið deigkúlurnar með ólífuolíu, hyljið með hreinu viskastykki og látið hefast á heitum stað í 15 til 20 mínútur eða þar til deigið er tvöfalt upprunaleg stærð.

Forhitaðu Ooni pizzaofninn þinn í 500˚C. Notaðu Ooni hitamælirinn til að athuga hitastigið í ofninum. Á meðan deigið er að lyfta sér undirbúðu uppáhalds pizzuáleggið þitt.